الإمتناع عن الأرز

مرة قعدت فترة ما بكلش رز ، لا الموضوع ملوش علاقة بفقدان الوزن يا كابتن ويا أنسة ، الفكرة كلها كنت عاوز أعرف إية إلى ممكن يحصل لو ما أكلتش الأكل من غير رز .

خلال أيام الإمتناع عن الرز حسيت إن الأكل طعمة أقوى من المعتاد بالرغم إنة بيتعمل بنفس الطريقة ، حسيت بالتوابل إلى فى الأكل أكتر و الملوحة إلى فية أعلى ، كنت باكل أكتر من المعتاد فى أول يومين لإن الأكل مكنش بيلكم زى الرز  ، عشان كدة بدأت أشرب مية أكتر ، ساعتها رجعت أكل طبيعى و مبقتش أكل كتير .

إلى لاحظتة بردة إنى بقيت أفضل أكل عن أكل ، وبقيت أركز فى طريقة تحضير الأكل إلى هكلة والكمية .

بس يا كماعة ودى تجربتى فى الإمتناع عن الرز ، وحاليا أنا رجعت أكل رز تانى عادى .