الجنس ، الحب ، الجواز

كتبت من كام يوم على تويتر وجة نظرى فى تفكير البنات فى الجواز فى مصر بطريقة مختصرة ، بس و أنا بكتب لقيت الموضوع محتاج مساحة أكبر ، فقلت أكتبة هنا أفضل وهو بالمرة يبقى منسق أكتر J .

الجواز أساساً مش غريزة داخل الإنسان ، يعنى ربنا محطش فينا غريزة الجواز ، الحب ممكن يكون غريزة لإن الإنسان كائن إجتماعى بيحتاج يقعد مع غيرة حتى الشخصيات الإنطوائية بتحتاج لكدة من وقت للتانى ، الجنس برضة غريزة ربنا حطها فينا علشان نتكاثر و نجيب صبيان وبنات ، لكن الجواز مش غريزة ، الجواز هو نظام إجتماعى بيعتمدة كل مجتمع غالباً على أسس دينية علشان يحدد بية العلاقات الجنسية و العاطفية بين الجنس و الجنس الأخر فى المجتمع دة ، وعلشان كدة فكرة الجواز ممكن يختلف من مجتمع لأخر و ممكن تلاقى مجتمعات مفيهاش أنظمة تحدد الموضوع دة .

يعنى الجواز هو فقط رباط شرعى من وجهة نظر المجتمع و الدين على حسب إختيار الإنسان لتحديد الجنس و الحب .

الجواز فى المجتمع المصرى توحش و محدش دلوقتى عارف يمسك لجامة ، الجواز إتحول عند معظم البنات من مجرد نظام إجتماعى للحب و الجنس إلى مجموعة من الأعراف الإجتماعية التى تجعل عصور الجاهلية ترقص بزهو و شماتة على مبادئ الإسلام ، الجواز بقى الهدف فى الحياة ، الجواز بقى يقترن مع عبادة الله و تعمير الأرض ، الموضوع خرج عن الحد و بقى مخيف !.

الجواز مبقاش علشان الحب و الجنس ، الجواز بقى علشان السترة و كأن العريس العبيط إلى جى يتقدملها هو الفارس المنقذ بحصانة الأعرج إلى جى يستر البنت من الفضيحة التى لم ترتكبها .

البنات دلوقتى مش مهم تكون عندها إنجذاب للإنسان إلى بيتقدملها ، مش مهم يكون بيصلى أو ما بيصليش ، مش مهم إنة يكون مسئول و يقدر ينجح العلاقة ، المهم الشقة و الشقة وبس 0

التفاهم أهم حاجة فى الجواز و دة أكتر حاجة لازم تركز علية أى بنت فى فترة الخطوبة ، لازم تفهمى هو بيفكر إزاى و لازم يفهم إنتى بتفكرى إزاى ، لازم يعرف أرائك فى كل حاجة مهمة و لازم تفهمى أرائة ، مفيش حد بيغير التانى 100% بعد الجواز ، كل حد عندة شخصية و توجهات فكرية و معتقدات مش من السهل تغيرها ، ولو إتغير هيتغير غالبا  5% بس من الشخصية و إسلوب التفكير ، و ممكن يفضل جواة و يكبر لحد ما ينفجر فى النهاية فى وشك ! .

بس خلاص J .